Елімізде ең төменгі жалақыны есептеу әдісі өзгереді
Қазақстанда ең төменгі жалақыны айқындау тәсілі халықаралық стандарттарға сәйкестендірілмек. Сенат депутаттары дамушы елдердің ерекшеліктерін ескере отырып, ең төменгі жалақыны белгілеу туралы Конвенцияны ратификациялады. Бұл жөнінде Сенат Аппаратының басшысы Максим Споткай мәлімдеді.
Құжатқа сәйкес, ең төменгі жалақы қызметкерлер мен олардың отбасыларының негізгі қажеттіліктерін ескере отырып, елдің экономикалық даму деңгейіне байланысты, міндетті заңдық күші бар және төмендетуге жатпайтын болуы тиіс.
Сенат төрағасы Мәулен Әшімбаевтың айтуынша, конвенцияның қабылдануы ең төменгі жалақыны есептеу кезінде тек макроэкономикалық көрсеткіштерге емес, азаматтардың нақты өмірлік қажеттіліктеріне де баса назар аударуға мүмкіндік береді.
«Бұл шешім қазақстандықтардың әл-ауқатын арттыруға бағытталған маңызды қадам», — деді ол.
Аталған құжатты Халықаралық еңбек ұйымы (ХЕҰ) әзірлеген және ол әлемнің көптеген елінде қолданылады. Басты мақсат – қызметкерлерге әділ табыс деңгейін қамтамасыз ету және еңбекақының негізсіз төмен болуынан қорғау. Қысқаша айтқанда, Қазақстанда ең төменгі жалақы енді халықаралық талаптарға сай, әлеуметтік әділдікке негізделген жаңа жүйе бойынша айқындалады.
- Соңғы
- Танымал
-
- Қазан, 08
-
- Қыркүйек, 26
-
- Қыркүйек, 25
-
- Қыркүйек, 18
-
- Қыркүйек, 16
-
- Қыркүйек, 11
-
- Қыркүйек, 08
-
- Қыркүйек, 04
-
- Қыркүйек, 02
-
- Тамыз, 31
-
- Тамыз, 29
-
- Тамыз, 26
-
- Тамыз, 25
-
- Тамыз, 15
-
-
- Тамыз, 14
-
-
Күнделікті жаңалықтар
13 қазан 2025
