Экс-министр Елжан Біртанов инфекциялық стационардан шықты

03.07.2020, 13:52 baq.kz

Нұр-Сұлтан, BAQ.KZ тілшісі. Бұл туралы бүгін ҚР Президенті жанындағы Орталық коммуникациялар қызметі алаңында өткен брифинг барысында ҚР денсаулық сақтау вице-министрі Ажар Гиният мәлімдеді. Елжан Амантайұлы жағдайының жақсаруына байланысты инфекциялық стационардан шығарылды. Қазір амбулаторлық емді жалғастыруда, - деді вице-министр. Айта кету керек, Біртановтың коронавирус жұқтырғанын хабарлаған болатынбыз. Кейін ҚР денсаулық сақтау министрі қызметіне тағайындалған Алексей Цой бұрынғы әріптесінің тез жазылып кетуіне тілектестік білдірді .