Волонтерлер мектебінде оқыту қалай жүргізіледі

22.09.2020, 21:43 baq.kz

Нұр-Сұлтандағы волонтерлер мектебінде оқыту жыл сайын өткізіледі. Қазіргі уақытта «Астана жастары» КММ-дегі еріктілер тізімінде екі мыңға жуық адам бар. Ерікті болғысы келетіндер үш кезеңнен тұратын оқудан өтуі керек. Бастапқы дайындық шамамен он сабақтан тұрады. Одан кейін мамандандыру курсы өтеді. Еріктілер бағыттарға бөлінеді. Естеріңізге сала кетейік, 2020 жыл Қазақстанда Волонтерлер жылы деп жарияланды. Ұйымда 2014 жылдан бастап шамамен 2,5 мың адам оқытылды. Еріктілер Арыс қаласын қалпына келтіруге көмектесті, пандемия кезінде мұқтаждарға көмек жеткізді, маскалар таратты және бұған дейін Қазақстанның астанасында өткен халықаралық іс-шараларға қатысты.