Әділбек Қаба қазақ тілін үйренуге қатысты: «Біз кінәлі емеспіз» деумен 30 жыл өтті

25.09.2020, 15:11 inform.kz

НҰР-СҰЛТАН. ҚазАқпарат - Қазақ тілін үйренуге келгенде «кінәлі емеспіз» деумен 30 жыл өтіп барады. Бұл туралы «Тіл тұтастығы - ел тұтастығы» атты онлайн-конференциясында ҚР Мәдениет және спорт министрлігі Тіл саясаты комитетінің төрағасы Əділбек Қаба айтты, деп хабарлайды ҚазАқпарат тілшісі. «Қазіргі уақытта тіл үшін ең бір қауіпті кезең басталды деп айтуға болады. Неге? Бұрын алдыңғы ұрпақ: «Одақ құрамында болдық, ол кезде тілдік орта болған жоқ. Тілді үйренбедік, кінәміз жоқ» дейтін. Бүгін әлі де сол « кінәлі емеспіз « деумен, міне 30 жыл өтіп барады. Былай алып қарасақ, 30 жылдың 11 жылында бала мектепке барып, бүкіл мектептің пәнін үйреніп шығады. 5 жылда студент атанып, мамандықтың қыр