Өзбекстанда жол қозғалысы ережесін бұзатындарға балдық жүйемен шара қолданылмақ

27.11.2022, 17:37 inform.kz

Аталған жүйе ел Президентінің биылғы 4 сәуірде жарияланған «Адам қауіпсіздігін сенімді қамтамасыз ету және автомобиль жолдарындағы өлім-жітімді күрт қысқарту шаралары туралы» қаулысына сәйкес енгізілгелі отыр. Атап айтқанда, 12 ай бойы жол қозғалысы ережесін бұзған сайын жүргізушіге айып-бал беріледі. Мәселен, мынадай тәсілмен: жылдамдықты асырса – 1 балл, бағдаршамның қызыл түсіне өтіп кетсе – 3 балл. Егер салынған айып-бал саны 12-ден асып кетсе, жүргізуші белгілі бір уақытқа көлік құралын жүргізу құқығынан айырылады. Ал, белгіленген мерзімде жол қозғалысы ережелерін бұзбаған жүргізушілер айып-балдарын қысқарту арқылы көтермеленеді.