Қор нарығына шолу: Жапонияның ұлттық валютасы құлдырады, ЕО-дағы экономикалық жағдай күрделене түсті

28.03.2024, 09:39 kz.kursiv.media

Жапонияның ұлттық валютасы – иен кейінгі 34 жылда болмаған деңгейге құлдырады. Бұл жергілікті қор нарығының өсуін ынталандырады. Еуропалық хедж-қорлардың бірі рекордтық шығыннан кейін, ақырындап қалпына келді. Бірақ жалпы ЕО-дағы экономикалық жағдай әлі де күрделі. Сондай-ақ Google, Intel және Qualcomm Nvidia-ға қарсы бірікпек. Осы және басқа тақырыптарды әлемдік БАҚ шолуынан оқыңыз.

Жапонияда Ұлттық валюта 34 жылда болмаған рекордтық деңгейге төмендеді. Бұл Nikkei индексін көтерді. Asia Financial хабарлағандай, мұндай көрсеткіш соңғы рет 1990 жылы болған. Бұл экспорттаушыларды ынталандырды. Ал, инвесторлар акциялар сатып алуды көбейте бастады. Жапонияның қаржы министрі Шуничи Судзуки билік валюта бағамының шамадан тыс құлдырауына қарсы тиісті шаралар қабылдауға дайын деді.

Сонымен қатар Қытайдың акциялары да қайтадан құлдырады. Шетелдік инвесторлардың 1,25 миллиард доллар көлеміндегі жаппай сатылымы нарыққа қысым жасады. Бұл тіпті Қытайдың жақсартылған экономикалық деректерді жариялау кезінде байқалды.

Ең қауіпті Andurand Commodities Discretionary Enhanced хедж-қоры рекордтық шығыннан кейін, ішінара қалпына келді

Bloomberg ақпаратына сүйенсек, мұнай трейдері Пьер Андюранның хедж-қоры өткен жылғы рекордтық 55% шығыннан кейін қалпына келеді. 22 наурыздағы жағдай бойынша хедж-қоры шамамен 20% – ға өсті.

2023 жылы қор мұнай құнының өсуіне үміттеніп қарыз алды. Алайда Brent осы кезеңде 10% – ға төмендеді. Ал биыл АҚШ-тағы тұрақты тұтыну және әлемдік сұраныстың өсуі аясында шикізат құны бастапқы болжамнан асып, 14% – ға өсті. Осылайша, Андюранның болжамы дұрыс болды. ЕО нарығындағы ең қауіпті қор мәртебесіне ие Andurand Commodities Discretionary Enhanced өткен жылғы шығыннан кейін ішінара қалпына келді.

Алдыңғы жылдары Андюранмен серіктес инвесторлар өздеріне керек капиталдың мөлшерін жеті есеге өсуін қамтамасыз етті.

BusinessInsider жазуынша, жақын арада Nvidia алғашқы үлкен қауіпке тап болмақ. 15 айда компанияның құны шамамен 2 трлн долларға өсті және жаңа Blackwell чипі бұл позицияны күшейтуі мүмкін. Бірақ бұл қанша уақытқа созылатыны белгісіз, өйткені NVIDIA бәсекелестері жаңа жасанды зерде технологиясын шығару үшін бірігуге дайын.

Google қазірдің өзінде жоғары сұраныс пен Чип тапшылығына назар аудара отырып, өзінің графикалық процессорларын дамытуға инвестиция салуда. Qualcomm жасанды интеллект және машиналық оқыту бөлімінің басшысы Винеш Сукумар жасанды зердені әзірлеушілеріне арналған жаңа стандартты құру үшін консорциум ашатынын айтты.

Bloomberg-тің жазуынша, Германияның қиындықтары мен Италия экономикасының өсуінің баяулауы ЕО-тың экономикалық тұрғыда қалпына келуін тежемек. Еуропалық тауарлар мен қызметтерге сұраныс әлі де төмен. Ал жаһандану процестері Германияны (ЕО-ның негізгі экономикасы) арзан ресейлік газды пайдалану мүмкіндігінен айырды. Сондай-ақ, қытайлық экспорттаушылармен қарым-қатынасы да нашарлады.

Еуропалық Одақтың басқа елдері де алаңдаушылық тудырады. Мысалы, Нидерланды немесе Ирландия соңғы жылдары еуропалық экономиканың өсуінің қозғалтқыштары болды. Бірақ қазір олардың экономикасы тоқтап қалды. Франция экономикасы да әлсіреуде. Нәтижесінде соңғы ірі көшбасшы-Италия қалды. Бірақ салық жеңілдіктері әлсіреген сайын, Италиядағы экономикалық белсенділік төмендейді деп болжанды.

Еуропа жоғары инфляциямен үлкен қарыздан зардап шегіп отыр. Сондықтан ол күшті экономикалық өсуді қамтамасыз ете алмайды. ЕО мұны түсінеді және қаржы нарықтарын, салық ережелерін біріктіру нұсқаларын талқылау арқылы реформа дайындайды.

Италия Рoste пошта қызметінің 29% құнды қағазын сату арқылы 4,4 миллиард еуро ала алады. Бұл мәміле Римнің 2024 және 2026 жылдар аралығында активтерді сатудан шамамен 20 миллиард еуро тарту жоспарларының бір бөлігі. Reuters-тің жазуынша, бұл ішкі өндіріске қатысты әлемдегі мемлекеттік қарыздың ең жоғары көрсеткіштерінің бірін төмендетуге көмектеседі.

Қытайдың ең ірі коммерциялық банкі Chustrial & Commercial Bank of China (ICBC) 2023 жылдың қорытындысы бойынша таза кірісті 0,8%-ға, яғни 363,99 миллиард юаньға ( 50,4 миллиард доллар) дейін арттырды.