Головкин қазақстандық боксшыларды Әлем чемпионатындағы жеңісімен құттықтады

11.11.2021, 06:40 inform.kz

НҰР-СҰЛТАН. ҚазАқпарат – Қазақстандық кәсіби боксшы, орта салмақтағы IBF/IBO әлем чемпионы Геннадий Головкин бокстан Қазақстан командасын Сербияда өткен Әлем чемпионатында табысты өнер көрсетуімен құттықтады, деп хабарлайды ҚазАқпарат. «Сербиядағы әлем чемпионатында табысты өнер көрсеткен қазақстандық боксшылар үшін қуаныштымын. Жігіттерді, бапкерлерді, Кеңес Хамитұлы бастаған федерацияны жақсы нәтиже көрсеткенімен құттықтаймын!. Азия ойындарына дайындыққа сәттілік тілеймін #AlgaKazakhstan», - деп жазды Головкин Twitter-де.