Ақмола облысында пойызға соғылған көліктегі үш адам қаза тапты

01.11.2024, 12:48 newsroom.kz

Ақмола облысы полиция департаментінің хабарлауынша, көлік апаты бүгін түнде Степногорск қаласында «Степногорск – Заводской» жолындағы теміржол өткелінде болған,- деп хабарлайды newsroom.kz

Мәліметке сүйенсек, «Ауди В4» көлігі бос цистерна сүйреген локомотивке соғылып, жеңіл көлік жүргізушісі сол жерде көз жұмды.

Айта кетелік, екі жолаушы ауруханаға жеткізілгенде қайтыс болды.Тағы үш жолаушы түрлі жарақатпен Степногорск қаласының ауруханасында жатыр.