Ауыл тұрғындары бос уақыттарын тиімді өткізетін болды

03.07.2020, 16:08 baq.kz

Шығыс Қазақстан облысы, BAQ.KZ тілшісі. Елорда күні мерекесі қарсаңында Бородулиха ауданының Петропавловка ауылдық округінде тұрғындар көптен күткен игілікті істің басы қайырылып, "Jana Dem" мәдени бос уақыт орталығы ашылды. Орталықты ашу мақсатында биылғы жылдың мамыр айында ауылдық округ әкімінің бастамасымен әкімдік ғимаратының бір бөлігінен 145 шаршы метр алаң бөлінген болатын. Бұл іске немқұрайлы қарамаған "Витязь" шаруа қожалығы мен басқа да кәсіпкер азаматтардың демеушілігі арқасында ғимарат қайта жөндеуден өткізіліп, жастар өкілі болып келетін Анель Ілиясова мекемені орталық ретінде әділет органдарында тіркеді. Бұл орталықтың басты міндеті - округ тұрғындарының бос уақытын тиімді өт