Атырауда парацетамолды 1000 теңгеден сатқан

07.07.2020, 15:12 kaz.365info.kz

Атыраудағы косметологиялық клиникалардың бірі жасырын дәрі-дәрмек саудасын ұйымдастырған. Клиникада леволет 18 мың теңгеден, ингавирин — 14 мың, азитромицин — 3 мың, цианокобаламин — 3 мың, цефтриаксон — 1 мың, парацетамол — 1 мың, аскорбин қышқылы — 1 мың теңгеден сатылған. Жедел қызметкерлер клиника бөлмесінен қазіргі уақытта жоғары сұранысқа ие дәрі-дәрмектердің 30-дан астам қорабын тапты. Бір күн бұрын Атыраудың басқа тұрғыны парацетамол мен азитромицинді 3,5 есе жоғары бағамен заңсыз сатқаны үшін ұсталды. Полиция екі факті бойынша тексеру жүргізуде.