Керекуде Кеңес әскерлері дәріптелуде

05.08.2020, 21:30 abai.kz

Кеңес әскерлері дегенде «Зұлымдық империясының» шетелдерге жасаған қанды жорықтары еске түседі. КСРО құрамындағы бодан ұлттардың егемендікті көздеген көтерілістері мен қозғалыстарын аяусыз басып жаныштағаны да ойға оралады. Кеңес әскерлерінің Польша, Финляндия (1939), Иран (1941), Венгрия (1956), Чехословакия (1968), Ауғанстан (1979-1989) елдеріне, Алматы (1986), Тбилиси (1989), Баку (1990), Ереван (1990) т.б. қалаларына жасаған жорықтары мен жазалау шаралары әлі жадымыздан өшкен жоқ. Қазақстанда Кеңес үкіметін күштеп орнату, ұжымдастыру, кәмпескелеу шараларына қарсы көтерілген жергілікті тұрғындарды жүздеп, мыңдап оққа байлаған жазалаушы әскери жасақтар және ашаршылық нәубетінен бас сауғал