Александр Лукашенко Польша және Литвамен шекараны жапты

18.09.2020, 09:38 azattyq-ruhy.kz

Беларусь президенті Александр Лукашенко соғыс болып кетуі мүмкін деген қауіппен Польша және Литва елдерімен шекараны жапты. Ол бұл шешімі туралы «За Беларусь» форумында айтты деп, хабарлайды Оның айтуынша, бұл екі ел Беларусь еліндегі наразылықтарды белсенді түрде қолдап отыр. Сондықтан осындай қадамға амалсыз барып отырғанын айтты. Сондай-ақ, Украинамен шекараны күшейтілген бақылауға алуға мәжбүр болғанын мәлімдеді. «Шынымды айтсам, біз олардың (Польша мен Литва) ойында не барын, ары қарай не істейтіндерін білмейміз. Сақтық шараларына жете мән беріп жатырмыз. Қол қусырып қарап отыруға болмайды. Тіпті, бауырлас ел – Украинамен де шекараны мықтап күзетеміз»,- деді Беларусь президенті.