«760greenkm» эко-марафонына қатысушылар Петропавлда болды

28.09.2020, 09:50 inform.kz

ПЕТРОПАВЛ. ҚазАқпарат – Талдықорғаннан бастау алған «760greenkm» экологиялық марафонына қатысушылар Петропавлда болды. Әуесқой спортшылар облыс орталығының көшелерімен 42 шақырымды жүгіріп өтіп, акция аясында көшеге тал отырғызды, деп хабарлайды ҚазАқпарат тілшісі. Алматылық кәсіпкерлер, алысқа жүгіруден тәжірибесі бар әуесқой спортшылар Дмитрий Ким, Ғалым Чуашев және Айдын Сәдібеков бұл іс-шараны бір апта бұрын бастаған еді. Осы аралықта олар еліміздің шығысы мен орталық және солтүстігіне қарайтын жеті қалада болды. Петропавл – эко-марафоншылар келген сегізінші қала. Алайда акцияға бұл жолы Дмитрий Ким мен Ғалым Чуашев қана қатысты. Айдын Сәдібеков алған жарақатына байланысты жүгіре алмады