Алмазбек Атамбаевтың қамаудан шыққаннан кейінгі фотосы жарияланды

06.10.2020, 09:48 azattyq-ruhy.kz

Қырғызстан Социал-демократиялық партиясының өкілі Кундуз Жолдубаева өзінің Facebook-парақшасына елдің экс-президенті Алмазбек Атамбаевтың бостандықтағы фотосын жариялады. Ол бұған дейін Бішкектегі уақытша ұстау изоляторында отырған. «Алмазбек Шаршенович барша халыққа жалынды сәлем жолдайды», - деп жазды Жолдубаева өзінің Facebook-парақшасында. Бұған дейін Атамбаевтың Ала-Тоо алаңына барып, халыққа үндеу жариялайтыны хабарланған болатын. Алайда, ол әлі көпшілік алдына шыққан жоқ. Оның қайда екені де белгісіз. Айта кетейік, көтерілісшілер түрмеде жазасын өтеп жатқан экс-премьер Сапар Искаковты да түрмеден босатты.