Елордада 156 мың АҚШ доллары жүлде қорымен теннис турнирі өтеді

27.02.2021, 15:24 inform.kz

НҰР-СҰЛТАН. ҚазАқпарат – Ертең елордада ATP Challenger Tour «FORTE CHALLENGER 125» сериясында теннистен халықаралық турнир басталады, деп хабарлайды ҚазАқпарат. «2021 жылғы 28 ақпаннан 7 наурыз аралығында Нұр-Сұлтан қаласында ATP Challenger Tour «FORTE CHALLENGER 125» сериясында теннистен халықаралық турнир өтеді. Жалпы жүлде қоры – 156 240 АҚШ доллары», - деп жазды Қазақстан теннис федерациясы Айта кетейік, санитарлық-эпидемиологиялық қауіпсіздікті ескере отырып, жарыс өткізу кезінде турнир қатаң протокол аясында көрерменсіз өтеді. Барлық турнирді www.ktf.kz сайтында тікелей эфирден көруге болады.