Атырау облысында шекаралық қоршаулар қайта алынып тасталды

19.04.2021, 15:36 inform.kz

АТЫРАУ. ҚазАқпарат – Атырау облысының Көптоғай ауылында тұрғындар Қиғаш өзенінен суды қайта пайдалана бастады, деп хабарлайды ҚазАқпарат тілшісі. Құрманғазы ауданының әкімі Мұрат Мұрзиев мәлім еткендей, Көптоғай ауылындағы дау-дамай реттелді. Тұрғындар Қиғаш өзенінің бойымен 1500 метр ұзындықта қоршаудың тұрғызылуына қарсы шыққан болатын. Шекара қызметкерлері орнатқан бағаналарды қайта алып тастады. Олар үй малына өзеннен су ішуге, ал ауыл тұрғындарына суару жұмыстарын жүргізуге кедергі келтіре бастаған еді. Еске салсақ, 14 сәуірде Атырау облысы мен Ресейдің Астрахан облысының шекарасында шекаралық қоршау тұрғызыла бастаған болатын. Атырау облысының Өңірлік коммуникациялар қызметінен мәлім