Нұр-Сұлтан – Көкшетау автожолы бойында орналасқан казиноның заңсыз жұмыс істегені анықталды

23.04.2021, 13:28 azattyq-ruhy.kz

Қаржылық мониторинг агенттігінің Ақмола облысы бойынша экономикалық тергеу департаменті қызметкерлері Нұр-Сұлтан – Көкшетау автожолының бойында орналасқан казиноның заңсыз жұмыс істеп тұрғанын анықтады. Тексеру барысында астыртын жұмыс істеген казинодан 1 миллион теңгеден астам және 900 доллар сомасындағы ақша қаражаты, «покер» ойынына арналған фишкалар, ойын карталары табылып, тәркіленді. Бұл жағдайға қатысты Қылмыстық кодекстің 307-бабы (ойын бизнесін заңсыз ұйымдастыру) бойынша тергеу басталды.