Ресейлік UFC жұлдызы жарақатына байланысты жарты жыл кездесу өткізбейтін болды

12.05.2021, 18:51 kaz.vesti.kz

UFC ұйымында өнер көрсететін ресейлік спортшы Забит Магомедшариповтың бас бапкері Мансур Учакаев тәлімгерінің жарақатына байланысты тағы жарты жыл жекпе-жек өткізбейтінін айтты. "Қазір дайындалып, жекпе-жек өткізетін ешқандай ниет жоқ. Мұны мен Забиттің атынан айтып тұрмын. Қазір ол емделіп жатыр. Денсаулығында біраз қиындықтар бар. Соларды шешу керек. Иә, ол кем дегенде жарты жыл кездесу өткізбейді", - деді бапкер. Айта кетейік, Магомедшарипов соңғы рет 2019 жылдың қараша айында жекпе-жек өткізді. Мәскеуде өткен айқаста ол америкалық Келвин Каттармен кездесіп, төрешілердің шешімі бойынша жеңіске жетті. Ал жуырда ол ұзақ уақыт кездесу өткізбегеніне байланысты UFC рейтингінен шығарылды.