Учаскелік полиция инспекторының құзыретіне не жатады?

14.04.2020, 14:46 baq.kz

Шығыс Қазақстан облысы, BAQ.KZ тілшісі. Көпшілік учаскелік полиция қызметкерінің жұмысынан хабарсыз. Сол себепті бүгінгі әңгімені полицияның осы бір әмбебап қызметкерінің құзіреті мен міндеттеріне арнамақпыз. Кез келген адам айналасындағылардың заңға қайшы әрекеттерімен бір рет болсын кездесетіні хақ. Біреу шылым шегіп түтініне тұншықтырса, енді бірде көршіңіз айғай-шу шығаруы мүмкін, одан қалды кіреберіске қоныстанған қаңғыбас немесе қабаған итін қарғыбауда ұстамайтын біреулер сіздің қалыпты өміріңізді астан-кестен етуі ықтимал. Мұндай кезде бұзақылық әрекетке өзіңіз тосқауыл болғанша полиция қызметкерін шақырғаныңыз абзал. Қолыңызға телефон алып, "102" нөміріне қоңырау шалуыңызға болады.