Сырт Қасқабұлаққа төселген домбыра бейнесіндегі жол дау тудырды

14.05.2020, 07:48 altyn-orda.kz

Қақ жарылған пікірлер «бұл – киелі аспабымызды табанға таптау» мен «керісінше, насихатталып жатыр» төңірегінде. Абай Құнанбайұлының 175 жылдығы қарсаңында ақынның туған жері Сырт Қасқабұлаққа домбыра бейнесіндегі жол төселді. Алайда, оған біраз жұрт наразылық танытуда. Кеше әлеуметтік желі белсенділерінің бір тобы ол жобаны құптаса, көбісі үзілді-кесілді қарсы болды. Пікірлері қақ жарылғандардың арасында өнер адамдары мен белгілі ақын-жазушылар да бар, деп жазады Skifnews.kz ақпарат порталы. Мысалы, Қуаныш Смағұлов‎ деген азамат «Голливудтағы Даңқ аллеясына Мұхаммед Əлидің есімі жазылған жұлдызды қоймақ болғанда, ол: «Менің есімім – соңғы Пайғамбардың аты. Пайғамбар есімінің табанның астынд