БҰҰ: Ресей басқыншылығынан кейін шамамен 14 млн украин азаматы үйлерінен кетуге мәжбүр болған
Ресей Украинаға басып кіргелі бері шамамен 14 млн украин азаматы үйлерін тастап кетуге мәжбүр болған. Бұл "соңғы ондаған жылдарда байқалған ең жылдам әрі ауқымды көш" деді БҰҰ-ның босқындар ісі жөніндегі жоғарғы комиссары Филиппо Гранди.Соның салдарынан әлемде босқындар 103 миллионнан асқан.Гранди украиналықтар "ең қаһарлы қыстың бірін күрделі жағдайда" өткеруге мәжбүр, азаматтық нысандар қирап, көмекке сұраныс теңдессіз артқан шақта гуманитарлық көмектің теңіз тамшысына айналуы оңай деді.Соғыстың созылу ықтималдығы артқан тұста ведомство Украинаның өз ішінде және сыртында халықты көшіруге дайындалып жатыр.2022 жылдың басында Украинада 41 млн адам тұрған.Ресей ақпанда Украинаға басып кіргеннен кейін БҰҰ босқындар ісі жөніндегі жоғарғы комиссары "Екінші дүниежүзілік соғыстан бергі ең жылдам көші-қон дағдарысы туралы" айтқан. Украиналықтар негізінен көрші Венгрия, Молдова, Румыния, Словакия және Польшаға қоныс аударған.Грандидің мәліметінше, соңғы 12 айда БҰҰ босқындар ісі жөніндегі жоғарғы комиссар басқармасы әлемнің түкпір-түкпірінде соғыстың салдарынан туындаған 37 төтенше жағдайға назар аударған."Басқа дағдарыс халықаралық дәрежеде осыншама назар, осыншама наразылық тудырмайды, осыншама көп ресурсты талап етпейді" дейді ол. Гранди Украинадан бөлек, алғашқы алты айда 850 мыңнан астам тұрғыны босып кеткен Эфиопиядағы жағдай мен кейбір дереккөз бойынша 500 мың азаматы қоныс аударған Мьянмадағы жағдайды атап өтеді.
- Соңғы
- Танымал
- Тамыз, 29
-
- Тамыз, 28
-
-
-
-
- Тамыз, 27
-
-
-
-
-
- Тамыз, 26
-
-
-
- Тамыз, 25
-
-
-
- Тамыз, 20
-
-
Басқа жаңалықтар
Күнделікті жаңалықтар
Бүгін,
31 тамыз 2025
31 тамыз 2025
Тақырып бойынша жаңалықтар
Басқа жаңалықтар