Аң және балық аулағанда қандай құралдарды пайдалануға тыйым салынған

11.02.2025, 09:32 ktk.kz

СҚО полиция департаменті баспасөз қызметінің мәліметінше, табиғатты қорғау полицейлері аңшылық шаруашылықтардың қорықшыларымен бірге күшейтілген режимде ормандарда, су айдындарында рейдтік шаралар жүргізіп жатыр. Іс-шараның алғашқы аптасында тәртіп сақшылары аң аулау ережелерін бұзған 88 фактіні анықтады.

- Ең жиі кездесетін құқық бұзу — түлкілер мен қояндарға тұзақ қою, бұған заңмен тыйым салынған. Қыс мезгілінде балық аулауды ұнататындар мұз үстіне мас күйде шығады немесе балық аулау кезінде спирттік ішімдіктер ішіп отырады, аулауға рұқсат беретін құжатсыз келеді, көлдерді жалға алушылардың кейбірі су қоймасында «жерлица» аталып кеткен құралды орнатуға тыйым салады, мұны да ескермейтіндер жоқ емес. Яғни мұның барлығы балық аулау ережелерін бұзу, - дейді СҚО ПД жергілікті полиция қызметі басқармасының құрамындағы табиғатты қорғау полициясы тобының ерекше тапсырмалар жөніндегі аға инспекторы Асхат Қожабаев.

Полицейлер балық аулау ережесін бұзған 23 фактіні анықтады. Сондай-ақ қаруды сақтау және тасымалдау ережелерін бұзған 9 дерек тіркелген. Тәртіп сақшылары бүгінгі күні облыста аша тұяқты жабайы жануарларды – елік, марал-доңыздарды аулауға тыйым салынғанын еске салады.

Дереккөз: kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!