Шығыс Қазақстан облысының 4 ауданы бұрынғы уақыт белдеуіне ауысты
2025 жылғы 5 наурыздан бастап Шығыс Қазақстан облысының төрт ауданы – Зайсан, Күршім, Тарбағатай және Самара аудандары – жұмыс күнін бір сағат ерте бастайды. Тарбағатай ауданының әкімі Дархан Жөргекбаевтың айтуынша, уақыт ауыстыру бастамасын 28 ауылдық елді мекеннің 18,4 мың тұрғыны бірауыздан қолдаған. Ал Зайсан ауданында 33 елді мекен бар, онда 35 мыңнан астам халық тұрады. Аудан әкімі Аэлита Ахметсәлімқызының айтуынша, бұл өзгеріске жергілікті тұрғындар оң көзқарас танытқан. Жергілікті тұрғындардың айтуынша, бұл өзгеріс әсіресе мемлекеттік қызметкерлер үшін тиімді болған. Аудан тұрғыны Ризабек Шәкенұлының пікірінше, ауыл халқы таңертең ерте тұруға үйренген, енді жұмыстан да ертерек қайтуға мүмкіндік алады. Зайсан ауданында түскі үзіліс уақыты 12:00-ден 13:30-ға дейін белгіленген.
- Соңғы
- Танымал
Күнделікті жаңалықтар
11 наурыз 2025
