Алматыда 12 мамырдан бастап қарызы бар тұрғындардың жарығы өшіріледі

30.04.2025, 07:32 kaz.365info.kz

2025 жылдың 12 мамырынан бастап Алматыда жарыққа төлем жасамаған тұтынушыларға электр энергиясы кезең-кезеңімен уақытша өшіріле бастайды. Бұл туралы «Алатау Жарық Компаниясы» АҚ хабарлады. Электр қуаты тек қарызы бар азаматтарға таңғы 7:00-ден кешкі 20:00-ге дейін шектелмек. Шектеулер қарыз толық өтелгенге дейін жалғасады. Компания мәліметінше, берешекке қатысты жұмыстар тұрғын үй басқару ұйымдары арқылы жүргізіледі, бұл өзге тұрғындарға қолайсыздық тудырмайды. Қазір Алматыда тұтынушылардың жалпы берешегі 1,2 миллиард теңгеге жеткен. Тұрғындарға қарыз туралы ақпаратты «Тұрғын үй қатынасы» арқылы немесе 356-99-99 нөмірі арқылы білуге кеңес беріледі.