Эрлинг Холанд Ағылшын чемпионатында абсолютті рекорд орнатты

«Манчестер Сити» шабуылшысы, норвегиялық Эрлинг Холанд Ағылшын чемпионатында абсолютті рекорд орнатты, - деп хабарлайды Alashainasy.kz тілшісі "ҚазАқпарат"-қа сілтеме жасап.

«Вест Хэм» клубымен өткен матчта (3:0) Э.Холанд үш голдың біреуінің авторы атанды.

Осылайша, норвегиялық шабуылшы биылғы маусымда соққан гол санын 35-ке жеткізді. Сөйтіп ол Энди Коул (40 матчта 34 гол, 1993-1994) мен Алан Ширердің ((34 гол, 1994-1995) көрсеткішінен асып түсті.

«Бұл – мен үшін ерекше сәт. Мен өте бақыттымын және мұнымен мақтанамын. Басқа не айта аламын. Әрине, мен рекорд туралы білдім, гол соғуға тырыстық, олар қорғанғандықтан, бұл оңайға түспеді. Бірінші таймда біз күш салдық, екінші кезеңде гол соғатын сәттер ақыры келді», деді Холанд.