Пәтер кезегінен шығарып жіберген: Тараз соты мемлекеттік қызметкерді қолдады
Тараздық мемлекеттік қызметші тіркеуді өзгерткені үшін тізімнен шығарылғаннан кейін сот арқылы тұрғын үй алу кезегін қалпына келтірді.
Істі Жамбыл облысының мамандандырылған ауданаралық әкімшілік соты қарады. Іс материалдарына сәйкес, ер адам 2017 жылғы желтоқсаннан бастап тұрғын үйге мұқтаж ретінде есепте тұрған. Алайда 2024 жылғы қарашада тұрғын үй комиссиясы оны тіркеуін өзгерткені үшін кезектен шығарып тастаған.
Сотта белгілі болғандай, үй иесі ер адам тіркеуде тұрған Тараздағы үйді сатып жіберген. Сол себепті пәтер жалдаушы Жуалы ауданында тіркелуге мәжбүр болған. Бұл ретте оның жеке баспанасы пайда болған жоқ: ол мемлекеттік қызметтегі жұмысын жалғастыруда және бұрынғыша пәтерге мұқтаж.
Сот тіркеуді ауыстыру тұрақты тұрғылықты жерге көшуді білдірмейді және кезектен шығаруға себеп бола алмайды деген қорытындыға келді.
«Тұрғын үй комиссиясының шешімі заңсыз деп танылды. Сот Тараз қаласы әкімдігінің тұрғын үй қатынастары бөлімін және «Отбасы банк» АҚ-ын ер адамды алғашқы есепке қойылған күнімен – 2017 жылғы желтоқсанмен кезекке қайта қоюға міндеттеді», – деп хабарлады сот.
Шешім әлі заңды күшіне енген жоқ.
- Соңғы
- Тамыз, 09
-
- Тамыз, 08
-
-
-
-
- Тамыз, 07
-
-
-
-
-
-
-
-
-
-
-
-
-
Күнделікті жаңалықтар
10 тамыз 2026
