Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Атырау облысындағы 25 автогаз құю бекетіне газ жеткізілді

inform.kz

Атырау облысындағы 25 автогаз құю бекетіне газ жеткізілді

Облыстық энергетика және тұрғын үй-коммуналдық шаруашылығы басқармасы басшысының міндетін атқарушы Данияр Мұқышевтың мәліметіне сүйенсек, тұтынушыларды сұйытылған мұнай газымен қамтамасыз ету мақсатында «PromGaz» және «Теңізшевройл» ЖШС-мен келісім шарт жасалған. Соған сәйкес 1600 тонна сұйытылған мұнай газы алынады. Қазір өңірге 264 тонна газ жеткізілген. «Энергетика министрлігінің жоспарына сәйкес газбен қамту кәсіпорындарына қосымша 1000 тонна газ алу үшін келісімшарт жүргізіліп жатыр. Мәселен, «Qazaq oil» мекемесімен арадағы келісімге сәйкес 700 тоннадан 350 тоннасы, «Gas Processing» ЖШС-дан 400 тонна газдың 250 тоннасы жеткізілді. Сондай-ақ «СНПС-Ақтөбе» ЖШС-нен 1000 тонна газ алу үшін қосымша келісімшартқа отырды. Келісімшарт нәтижесінде Атырау қаласындағы 10, аудандардағы автогаз құятын 15 бекетте сұйытылған газ сатылып жатыр. Қазір облыстағы көгілдір отынның қалдық қоры 300 тоннаны құрайды. Энергетика министрлігімен бөлінген газдың қорыы ай соңына дейін жетеді деп жоспарланған. Ал, «АМӨЗ» ЖШС толыққан іске қосылған соң келесі айдан бастап сұйытылған мұнай газының тапшылығы болмайды», -деді Данияр Мұқышев. Қазір Атырау облысында 29 газбен жабдықтаушы мекеменің 96 автогаз құю бекеті бар. Сұйытылған мұнай газына айлық қажеттілік 5 774 тоннаны құраса, тәуліктік қажеттілік – 270 тонна. «Автогаз құю бекеттерінде шектік баға – 50-55 теңге. Егер газ бұл бағадан қымбатқа сатылса, Атырау облысының әкімдігіне арыз түсіруге болады», -деп мәлім етті Данияр Мұқышев. Еске сала кетелік, бұған дейін Атырау облысында автогаз тапшылығын жою мәселесі қолға алынғанын жазған едік.
  • Соңғы
Басқа жаңалықтар

Күнделікті жаңалықтар

Бүгін,
24 маусым 2024