Алматылық Олимпиада жүлдегерлеріне пәтер мен автокөлік берілді

20.08.2024, 07:26 kaz.365info.kz

Алматы қаласының әкімі Ерболат Досаев Париждегі Олимпиада ойындарының жүлдегерлерімен кездесті. Шаһар басшысы спортшылар мен бапкерлерді жетістіктерімен құттықтап, алматылықтар Қазақстан қоржынына көп медаль салғанын атады. Париж Олимпиадасының күміс жүлдегері гимнаст Нариман Құрбанов пен қола жүлде иегерлері дзюдошы Ғұсман Қырғызбаев, боксшы Назым Қызайбай, оқ атудан сайысқа түскен мергендер Александра Ле және Ислам Сәтбаевқа пәтер сертификаттары және ақшалай сыйлықтар берілді. Барлық жүлдегер 5 және 4 миллион теңгенің сертификаты мен жаңа автокөліктердің кілтін алды.