Президент Қазақстандағы цифрлық активтерді дамыту туралы жарлыққа қол қойды
Қазақстан президенті Қасым-Жомарт Тоқаев «Қазақстан Республикасында цифрлық активтер индустриясын ынталандыру және дамыту жөніндегі шаралар туралы» Жарлыққа қол қойды, деп хабарлады мемлекет басшысының баспасөз қызметі.
Құжат елдегі цифрлық активтер нарығын дамытуға бағытталған. Онда саланы дамытуды жеделдетуге, инвестиция тартуға және жаңа цифрлық технологияларды енгізу үшін жағдай жасауға тиіс шаралар қарастырылған.
Бұған дейін президент 2029 жылға дейінгі «Digital Qazaqstan» ауқымды цифрландыру және жасанды интеллект технологияларын жаппай енгізудің жалпыұлттық стратегиясын бекіткен болатын.
Сондай-ақ, президент Қазақстан халқына жолдаған жыл сайынғы жолдауында жасанды интеллектінің қарқынды дамуы адамдардың, әсіресе жастардың дүниетанымы мен мінез-құлқына әсер етіп жатқанын атап өткен.
Ал Парламент палаталарының қорытынды бірлескен отырысында Тоқаев Қазақстандағы цифрлық трансформация жоғары буын басшылары мен мемлекеттік қызметшілерден бастап, ауыл әкімдеріне дейінгі барлық адамды қамтуы тиіс екенін мәлімдеді.
- Соңғы
-
-
-
-
-
-
-
-
- Шілде, 06
-
-
-
-
-
-
-
-
-
-
Күнделікті жаңалықтар
7 шілде 2026
