Атырауда әйелдің жатырынан 6 келі миома шықты

04.10.2024, 08:11 kaz.365info.kz

Атырау облыстық перинаталдық орталығының дәрігерлері науқасқа ота жасап, салмағы 6 келі, көлемі 35 см үлкен миоманы алып тастады. Бұл туралы Атырау облыстық денсаулық сақтау басқармасының баспасөз қызметінен мәлімдеді. Басқарма мәліметінше, науқастың жатырындағы үлкен миоматозды түйін ультрадыбыстық зерттеу арқылы анықталған. «Науқастың сырқаты бірнеше жылға созылған. Ол ауырсын байқалған соң дәрігерлерге жүгінген. Облыстық перинаталдық орталығының дәрігерлері науқасқа жедел көмек көрсетіп, тиісті ем-шара жасады. Кейін күрделі ота жасауға шешім қабылданды. Орталықтың гинеколог дәрігері жасаған ота сәтті өтіп, салмағы 6 келі, көлемі 35 см миоманы алып тастады», – делінген хабарламада. Отадан соң науқас гинекология бөлімшесіндегі дәрігерлердің бақылауында болған. Биыл жыл басынан бері орталықтың гинекология бөлімшесінде әртүрлі мөлшердегі миоманы жою бойынша бірнеше ота жасалған. «Қазір науқас жансақтау бөлімінен палатаға ауыстырылды. Оның жағдайы бірқалыпты. Дәрігерлер оған қажетті ем-дом шарасын жүргізіп, бақылауға алды», – деп хабарлады ведомстводан.