Астана-Петропавл жолындағы өртенген көлікте аман қалған адам жансақтау бөлімінде
Астана-Петропавл трассасында автокөліктің өртенуі кезінде зардап шеккендердің бірі аман қалды, бірақ оның жағдайы өте ауыр күйде қалып отыр.
Ақмола облыстық денсаулық сақтау басқармасының ақпаратына сүйенсек, ер адам Ақкөл аудандық ауруханасының жансақтау бөлімінде жатыр.
«Пациент Ақкөл аудандық ауруханасының жансақтау бөлімінде өте ауыр жағдайда жатыр. Денесінің өрттен зақымдану аумағы үлкен болуына байланысты науқастың жағдайы оны басқа жерге тасымалдауға мүмкіндік бермейді. Қазіргі уақытта оның бойында күйік шогы бар», – деп хабарлады ведомстводан.
Еске сала кетейік, бұған дейін Ақмола облысы Бұланды ауданы Жаңаталап ауылының маңындағы Астана-Петропавл автожолында автокөлік өртенген болатын. Оқиға орнынан түсірілген кадрлар әлеуметтік желілерде тарады. Видеодан машинаның толықтай өрт құшағына оранғанын көруге болады.
Оқиға салдарынан қаза тапқандар бар, олардың кім екені анықталып жатыр.
- Соңғы
- Шілде, 15
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
16 шілде 2026
