СҚО-да қайтарылған активтер есебінен балабақша салынды
Солтүстік Қазақстан облысында қайтарылған активтер есебінен балабақша салынды, деп хабарлайды облыс прокуратурасы.
Биыл сәуір айында Петропавлда прокуратура органдары қайтарған активтер есебінен салынған «Жас өркен» бөбекжай-бақшасына балаларды қабылдау басталды.
Жобалық қуаттылыққа сәйкес бақшада 12 топ қарастырылған, бұл 280 орынды құрайды. Бүгінгі таңда мектепке дейінгі ұйымда 232 бала тәрбиеленіп жатыр, балаларды қабылдау жалғасуда.
Балабақша салынғаннан кейін 300-ге жуық орын тапшылығы қысқарды, бұл «Жас өркен» шағын ауданының тұрғындары мен Солтүстік Қазақстан облысындағы Бала құқықтары жөніндегі уәкілдің өкілі тарапынан оң бағаланды.
Сонымен қатар, облыс аумағында халықтың өмір сүру сапасын арттыруға, сондай-ақ әлеуметтік және экономикалық инфрақұрылымды дамытуға бағытталған денсаулық сақтау және коммуналдық шаруашылық салаларындағы 4 нысанның құрылысы жалғасуда.
Айта кетейік, бұған дейін Павлодар әуежайы реконструкциялау қайтарылған активтер есебінен қаржыландырылатынын жазған едік.
- Соңғы
- Шілде, 15
-
-
-
-
-
-
-
-
-
-
-
-
-
-
-
-
-
-
Күнделікті жаңалықтар
16 шілде 2026
