Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Ағзаға қажет дәрумендердің орнын қалай толтыруға болады?

almaty-akshamy.kz

Ағзаға қажет дәрумендердің орнын қалай толтыруға болады?

Алматы қаласының Өңірлік коммуникациялар қызметінде өткен брифингте №26 емхананың геронтолог дәрігері Светлана Фазылжанова дәрумен жетіспеушілігінің себептері, белгілері және авитаминоз кезінде кездесетін аурулар туралы айтты. Атап өтетіні, авитаминоз - адам ағзасында бір немесе дәрумендер тобының жетіспеушілігі. Дәрігердің айтуынша, жыл сайын маусымаралық кезеңде адамдардың 60-80%-ы дәрумен жетіспеушігін сезінеді. Аталған ауруға жеткіліксіз назар аудару және оны елемеу көбінесе жағымсыз салдарға және жағдайдың нашарлауына әкеледі. «Әр адамның ағзасына жеке қарау керек және оны дәрумендерді таңдаған кезде де ескерген жөн, минералдарды заттар мен олардың көлемі де соған қарай тағайындалады. Әртүрлі патологиялармен және ауырған аурулардың салдарынан дәрумен жетіспеушілігі бірнеше есе артуы мүмкін. Айта кетерлігі, суық тиген кезде аспирин қабылдау ағзадан С дәруменінің бөліну жылдамдығын 3 есеге арттырады», - дейді С.Фазылжанова. Дәрігердің айтуынша, авитаминозды аталған белгілердің негізінде анықтауға болады:– бұрын жанға рахат сыйлайтын заттар мен әрекеттерге апатия және қызығушылықты жоғалту;– суық тию мен мұрынның бітуі тұрақты серіктерге айналады;– бір немесе бірнеше созылмалы аурулардың өршуі– ұйықтап кету қиын, ал таңертең орыннан тұру одан да қиынырақ болады;– түнгі 2:30 және 3:30 уақыт аралығында жиі ояну; – теріде безеудің пайда болуы немесе терінің шамадан тыс құрғауы;– шаштың сынғыштығы және тырнақтардың қатпарлануы;– іш қату, гастрит түрінде асқазан-ішек жолдарының бұзылуының пайда болуы;– қызылиектің аяқасты қанауы;– назарды шоғырландыра алмау;– бастың үнемі ауыруы;– құлақтың шулауы және бастың жеңіл айналуы. Бұл тізімдегі екі белгінің болуы прогрессивті көктемгі авитаминозмен жедел күресу қажеттігін көрсетеді, дейді сарапшы. Сондай-ақ, дәрігердің айтуынша, жағымсыз белгілер көбінесе бірнеше дәрумендер мен минералдардың жетіспеушілігінің нәтижесінен болады. «Көктемгі авитаминозбен тиімді күресу үшін қазіргі уақытта ағзаға қандай дәрумендер немесе олардың комбинациясы қажет екенін анықтау маңызды. Күн сайын жетіспейтін дәруменнің нақты мөлшерін толтыруға тырыспау керек екендігі дәлелденді. Оның орнына дәрігерлер қажетті дәрумендер мен минералдардың орташа мөлшерін бірнеше күн немесе апта ішінде алуға кеңес береді», - деп түсіндірді спикер. Дәрумен тапшылығының алдын алудың негізгі қағидасы – дұрыс және теңдестірілген диетаны сақтау. Сонымен қатар, дәрумен жетіспеушілігі кезінде таза ауада жиі серуендеу және тұрақты спорттық жаттығулар көмектеседі. Дәрігер тамақтанудың негізгі ережелерін елеусіз қалдырмауға және тамақтану рационына жаңа сығылған шырындарды, фрештерді, көкөністердің, жемістердің және көк шөптердің әртүрлілігін қосуды ұсынады. Сондай-ақ, маман дәруменнің жетіспеуін елемеу медициналық араласуды қажет ететін ауыр ауруларға, тіпті ауруханаға жатқызуға дейін апаратынын ескертеді.
  • Соңғы
Басқа жаңалықтар

Күнделікті жаңалықтар

Бүгін,
13 маусым 2024