Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Сот қызметкерлері 23 литр қан тапсырды

almaty-akshamy.kz

Сот қызметкерлері 23 литр қан тапсырды

1-Маусым Халықаралық балаларды қорғау күні Маусым Халықаралық балаларды қорғау күніне орай, Алматы қаласы Қалалық қан орталығына келіп қан тапсырған Қазақстан Республикасы Алматы қаласы бойынша сот әкімшілігі департаментінің сот қызметкерлері мен мемлекеттік қызметшілерінің өңірлеріне Орталық басшылығы «Мен қан донорымын» төсбелгісін тақты. Алматы қалалық Қан орталығының «Қан тапсырып, өмірге үміт сыйла!» деген үндеуін көзі шалған департамент басшылығы өз қызметкерлеріне қан тапсыру жөнінде ұсыныс білдірген болатын, бұл бастамаға бірден елуден астам қызметкер қолдау білдіріп, қан тапсыруға келісімдерін беріпті. – Өмір болған соң түрлі жағдайлар болады ғой, бір адам ауыр жол апатына түссе, перзентханада өмірге адам әкелемін деп көп қан жоғалтқан қаншама ана қанға мұқтаж болып жатыр, денсаулығы мен өмірі қанға тәуелді қаншама балалар мен науқас жандар бар, сол себепті қан тапсырып, адамға өмір сыйлау әр адамның азаматтық борышы деп ойлаймын. Қан тапсырғандардың қатарында департаменттің сот қызметкерлері, мемлекеттік қызметшілері және судьяларымен бірге аудандық соттың басшылары мен қызметкерлері де бар. Бүгін қан беруге келген әріптестерімнің бұл қадамдарын үлкен адамгершілік пен қайырымдылық іс деп бағалаймын, – дейді қызметкерлерін осы сауапты іске бастап келген Алматы қаласы бойынша сот әкімшілігі департаменті басшысының орынбасары Абай Ғалымжанұлы Жарылқасын. Қан орталығының дәрігерлері мен зертхана қызметкерлерінің қатаң тексерулерінен өткен департаменттің 50 қызметкері Қан дайындау бөлімінің қан және оның компоненттерін дайындау блогында қан тапсырып, адамға өмір сүру үмітін сыйлау парыздарын өтеді. Департмент басшылығының бастамасын қуана қолдаған Қалалық қан орталығының директоры, Алматы қалалық мәслихатының депутаты Жандос Нәдіров сот қызметкерлеріне алғыс білдіріп, оларды Орталықтың ең құрметті марапаты «Мен қан донорымын» деген төсбелгісімен марапаттады. Жандос Қуанышбекұлы, қан доноры болуға ниет білдірушілердің қатары жыл санап өсіп келе жатқанын жеткізіп, департменттің бұл бастамасына өзгелердің де қолдайтынына сенім білдірді. Өйткені, жақсы бастама қашанда өз жалғасын табады. Департмент қызметкерлері тек айтулы күндерде ғана емес, қайырымдылық шараларын өздерінің әлеуметтік бағыттарына айналдырып, мейірімділік пен қайырымдылық қажет жерден табылып жүреді. Олар қаламыздағы жетім сәбилерге арналған Сәбилер үйін қамқорлықтарына алған. Қала өмірінде өтетін спорттық және пен мәдени іс шараларда да департменттің қыз -жігіттері алдыңғы қатардан көрініп келеді. Ал департамент қызметкерелері берген жиырма үш литр қан қаншама адамның өмірін құтқаруға септігін тигізеді десеңізші!!! Мұндайда жарайсыңдар, жақсы істерің жалғасты болсын дейсің. Нұржамал БАЙСАҚАЛОВА.
  • Соңғы
Басқа жаңалықтар

Күнделікті жаңалықтар

Бүгін,
19 наурыз 2024