11 алтын медаль: қазақстандықтар бокстан Азия чемпионатында триумф жасады
16 шілдеде Джакартада (Индонезия) 19 жасқа дейінгі және 23 жасқа дейінгі спортшылар арасындағы бокстан Азия чемпионатының финалдық бәсекелерінің соңғы күні өтті, оның қорытындысы бойынша қазақстандықтар 5 алтын медаль жеңіп алды.
19 жасқа дейінгі жас санатында қазақстандық бозбалалар екі финалдық жекпе-жекте жеңіске жетті.
70 келіге дейінгі салмақ дәрежесінде Бейбарыс Әшірбай жапондық Кунимитцу Хонжоны 5:0 есебімен ойсырата ұтса, кейін 90 келіден жоғары салмақта Владислав Саможонов өзбекстандық Ислам Салиховты төрешілердің бөлек шешімімен 3:2 есебімен жеңді.
Айта кетейік, Әділ Асқанбай (50 келіге дейін), Ақжүрек Қалабай (65 келіге дейін), Тимур Тайбеков (80 келіге дейін) және Руслан Ахметов (85 келіге дейін) күміс медаль иеленді.
23 жасқа дейінгі санатта алдымен 75 келіге дейінгі салмақ дәрежесінде Аман Қонысбек Қырғызстан өкілі Алмаз Орозбековті 4:1 есебімен жеңді.
Бұдан кейін Темірлан Мұқатаев пен Ибрагим Бетаев Өзбекстан өкілдері Норбек Абдуллаев пен Самир Собировты сәйкесінше 4:1 және 3:2 есебімен тізе бүктірді.
Бексұлтан Боранбек (55 келіге дейін), Нұрасыл Төлебек (60 келіге дейін), Нұрбек Мұрсал (70 келіге дейін) және Өнер Сейілхан (80 келіге дейін) күміс жүлдегер атанды.
Осылайша, Қазақстан турнирде ерлер арасында 13 медаль (5 алтын және 8 күміс) жеңіп алды.
- Соңғы
-
-
-
-
-
-
-
- Шілде, 15
-
-
-
-
-
-
-
-
-
-
-
Күнделікті жаңалықтар
16 шілде 2026
