Біздің веб-сайт шолу тәжірибеңізді қамтамасыз ету үшін cookie файлдарын пайдаланады және тиісті ақпарат. Біздің веб-сайтты пайдалануды жалғастырмас бұрын, сіз Cookie саясатымен және құпиялылығымен келісесіз және қабылдайсыз. cookie файлдары және құпиялылық.

Ресей әскері түнде Украинаның Одесса облысына дрондармен шабуылдады

azattyq.org

Ресей әскері түнде Украинаның Одесса облысына дрондармен шабуылдады

Ресей әскері 14 желтоқсанға қараған түні Дунайдағы Украина порттарын дрондармен атқылады.

Украинаның телеграм-арналары Килия мен Рени порттарында жарылыс болғанын жазды. Килия Қара теңізі жағалауына жақын жерде орналасқан. Ал Рени Украина, Румыния, Молдова шекарасына жақын жатыр.

Одесса облысында дрондар шабуылынан 11 адам зардап шеккен, өрт болған. Бұл жөнінде Украина төтенше жағдай жөніндегі мемлекеттік қызмет хабарлады. Бес адам, оның ішінде үш бала ауруханаға жатқызылған. Шабуылдың нақты қай жерде болғаны айтылмайды.

Украина әуе күштері 14 желтоқсанда таңертең Ресей армиясы жіберген 42 дронның 41-і атып түсірілгенін мәлімдеді.

Бұған қоса, хабарламада жарым түнде Ресей армиясы Украинаның Херсон және Николаев облыстарына С-300 кешенінен алты ракетамен соққы жасағаны жазылған.

Алты ракета мен атып түсірілмеген бір дрон қайда түскенін Украина әскері айтпады.

Ал Ресей қорғаныс министрлігі 14 желтоқсанға қараған түні Калуга және Мәскеу облыстарында 9 дрон атып түсірілгенін айтты.

Мұның алдында Мәскеу мэрі Сергей Собянин Мәскеудің оңтүстік-шығысында екі дрон атып түсірілгенін хабарлаған. Одан ешкім зардап шекпеген, ештеңе бүлінбеген.

Бұрын дрондардың шабуылы туралы хабарламалар ресейлік қолданушылардың жарылыс болғаны жөнінде ақпараттарымен (әлеуметтік желідегі суреттер мен видеолар) қатар шығып жататын. Ал қазір тек биліктің атып түсірілген дрондарынан басқа ақпарат жоқ, әлеуметтік желілер тыныш, деп жазды BBC-дің Орыс қызметі.

  • Соңғы
Басқа жаңалықтар

Күнделікті жаңалықтар

Бүгін,
24 сәуір 2024