Алматыда нөсер жаңбыр салдарынан жол опырылып, 13 көлік зақымданды
Алматы қаласы Әуезов ауданы әкімінің аппараты мәліметінше, «Спецстрой Групп ЛТД» ЖШС мердігер компаниясы бұған дейін Аманжол көшесінде су және кәріз жүйелерін тарту бойынша құрылыс-монтаж жұмыстарын жүргізген. Жоба аясындағы жұмыстар толық аяқталған болатын.
«Асфальтбетон жабындысын қалпына келтіру жұмыстары уақытша кейінге қалдырылды. Бұл шешім 300 миллиметрлік газ құбырын салу жоспарымен байланысты қабылданды. Егер алдын ала асфальт төсесек, газ құбыры жүргізілгенде жолды қайта қазуға тура келетін еді. Сондықтан тұрғындарға қосымша қолайсыздық тудырмас үшін күтуге тура келді», – деп түсіндірді әкімдік.
Әкімдіктің хабарлауынша, ауданның барлық нөсер сулары арық арқылы осы көшеге ағатындықтан, жол жамылғысына түсетін салмақ арта түскен. Сонымен қатар, 6 метр тереңдікке дейін жүргізілген инженерлік желілер топырақ негізін әлсіреткен.
«Осы жағдайлар мен қатты нөсердің салдарынан көшеде шөгу пайда болып, жол жабындысы бұзылды», – деді Әуезов ауданы әкімдігі.
Жолдың опырылуы салдарынан 13 автокөлікке зақым келген. Қазір Аманжол көшесі көлік қозғалысына жабылды.
«Ертең таңертеңнен бастап (бүгін) көліктерді эвакуациялау, жерді шығару және балласт төсеу жұмыстары жүргізіледі. Жол толық тазартылғанға дейін бұл жұмыстар жалғасады», – деп мәлімдеді әкімдік.
Мердігер компания зардап шеккен көлік иелеріне келтірілген шығынды толық өтеп беруге міндеттелді.
- Соңғы
- Қыркүйек, 16
-
- Қыркүйек, 15
-
- Қыркүйек, 12
-
- Қыркүйек, 08
-
-
- Қыркүйек, 05
-
-
- Қыркүйек, 04
-
- Қыркүйек, 03
-
-
- Қыркүйек, 02
-
-
-
- Қыркүйек, 01
-
- Тамыз, 31
-
- Тамыз, 29
-
- Тамыз, 28
-
-
Күнделікті жаңалықтар
17 қыркүйек 2025
