Атыраудың базарында киік еті сатылып жатыр
Атыраудағы Ескі базарда Батыс Қазақстан облысынан жеткізілген ақбөкен еті сатыла бастады. Оралдан келген сатушының айтуынша, Атырауға шамамен екі тонна ет әкелген. Бір келінің бағасы көтерме саудада – 2000 теңге, ал бөлшек саудада – 2200 теңге. Оның айтуынша, сұраныс жоғары болып шыққан: қазір қолында санаулы ғана бөлігі қалыпты, қалғанының бәрін сатылып кеткен.
«Бәрі талап алып жатыр: бірі көтерме күйде, енді бірі килограмдап сатып алады. Біз ресми түрде жұмыс істейміз: өзіміздің аңшылық шаруашылығымыз бар, құжаттар мен сертификаттарымыз толық. Ветеринар дәрігер бәрін толықтай тексереді», – дейді ол.
Сатушының айтуынша, аң аулау «үнемді тәсілмен» жүргізіледі. Оның сөзінше, жануарларды атпайды, тор құрып ұстайды, содан кейін ғана сойылады. Осылайша ет жақсы сақталады әрі зақымданбайды.
Сонымен қатар кейбір тұрғындар сатылымға күмәнмен қарап, ақбөкеннің Қызыл кітапқа енгенін еске салып, мұндай сауданың заңдылығына күмәнмен қарайды. Ал сатушы болса, барлық қызмет заң аясында жүріп жатқанын, өнім міндетті түрде тексерістен өтетінін алға тартады.
- Соңғы
- Танымал
- Қыркүйек, 30
-
-
- Қыркүйек, 29
-
- Қыркүйек, 26
-
-
- Қыркүйек, 25
-
- Қыркүйек, 22
-
- Қыркүйек, 19
-
-
- Қыркүйек, 18
-
-
- Қыркүйек, 17
-
- Қыркүйек, 16
-
- Қыркүйек, 15
-
- Қыркүйек, 12
-
- Қыркүйек, 08
-
-
- Қыркүйек, 05
-
Күнделікті жаңалықтар
1 қазан 2025
