Алматыда 2 айдан бері жалақы алмаған жекеменшік мектептің мұғалімдері жұмыстан кетпек

28.11.2025, 06:37 kaz.365info.kz

Алматыдағы Ақсай-5 шағынауданында орналасқан Cosmo International School мектебінің мұғалімдері екі ай бойы жалақы алмаған. Осыдан кейін олар жұмыстан кетуге мәжбүр болған.

Жағдайды dyakova_anastassiya есімді желі қолданушысы Threads парақшасында жазды. Айтуынша, мұғалімдергі қазан айынан бері жалақы төленбей, педагогикалық құрам 28 қарашадан бастап жұмыстан кететіндерін хабарлаған. Ал оның салдарынан балалар білімсіз қалып, оқу процесі толығымен тоқтап қалуы мүмкін дейді.

«Cosmo International School мектебінде оқитын 2 «А» сыныбы ата-аналарының айтуынша, мұғалімдерге қазан айынан бері жалақы төленбеген. Ал мұғалімдер28 қарашадан бастап жұмыстан кететіндерін хабарлаған. Соның салдарынан балалар білім алудан қалып, оқу процесі толығымен тоқтап қалуы мүмкін», – дейді олар.

Сондай-ақ желі қолданушысының сөзінше мұғалімдер мектептен жұмыс істегісі келмегендіктен емес, еңбекақы мүлде төленбегендіктен кетіп жатыр.

«Біз, ата-аналар, балаларымыздың әрі қарайғы оқуына қатты алаңдаймыз. Сондықтан бұл мәселені көпшілікке жария ету маңызды деп есептейміз. Мәселе назардан тыс қалмауы керек. Қазір біз үшін қолдау маңызды», – деп жазды ол.

Өзін Cosmo International School мектебінің мұғалімі ретінде таныстырған Катерина шын мәнінде 2 айдан бері жалақысыны ала алмай жүргенін жазды.

«Осы мектептің мұғалімімін. Cosmo International School ішінде бейберекет тірлік болып жатқанын мәлімдегім келеді. Күн сайын неше түрлі жағдайларға тап боламыз», – деп жазды ол.

Сондай-ақ мұғалім мектептегі келеңсіз жайттарды тізіп шықты:

Оның айтуынша, мұғалімдер ғана емес, балалар да зардап шегіп отыр. Сондай-ақ ол басшылыққа өз жалақысын сұрап, бірнеше рет хабарлама жазғанын айтты. Алайда мұғалім ешқандай жауап ала алмаған.

Толық оқыңыз…