ШҚО-да шегірткемен күрес жалғасуда
Шығыс Қазақстанда ауыл шаруашылығы алқаптарын үйірлі шегірткеге қарсы өңдеудің негізгі кезеңі аяқталды. Бір ай ішінде мамандар 18 мың гектар аумақты өңдеді, ал қабылданған шаралардың тиімділігі 95%-ды құрады.
Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің ШҚО бойынша аумақтық инспекциясы хабарлауынша, химиялық өңдеу жұмыстары зиянкестердің саны экономикалық зияндылық шегінен асқан облыстың алты ауданында жүргізілді.
«Барлық жоспарланған іс-шаралар толық көлемде және белгіленген мерзімде орындалды. Жүргізілген өңдеу жұмыстарының нәтижесі бойынша қолданылған препараттардың биологиялық тиімділігі 95%-ға жетті, бұл үйірлі шегірткенің таралуын тиімді тежеуге мүмкіндік берді», – деп хабарлады инспекциядан.
Зиянкестермен күресу үшін бір уақытта техниканың бірнеше түрі қолданылды. Алқаптардың бір бөлігі жерүсті желдеткіш бүріккіштермен, ал баруы қиын учаскелер – аса жеңіл авиация, агродрондар және аэрозольді генераторлардың көмегімен өңделді.
Инспекция өкілдері шартта қарастырылған барлық мамандандырылған техниканың уақтылы жұмылдырылғанын, бұл өңдеу жұмыстарын мерзімін бұзбай жүргізуге және ауыл шаруашылығы алқаптарын зиянкестердің жаппай таралуынан қорғауға мүмкіндік бергенін атап өтті.
- Соңғы
-
-
-
-
-
- Шілде, 12
-
-
-
-
- Шілде, 11
-
-
-
- Шілде, 10
-
-
-
-
-
-
Күнделікті жаңалықтар
13 шілде 2026
