Ақтөбеде мұғалімдер 5 млрд теңге демалыс ақысын алмаған
Ақтөбеде көптеген мектеп мұғалімдеріне еңбек демалысында берілуі тиіс қаржы берілмеген. Ақшаны әзірге 1 маусымнан бастап демалысқа шыққан мұғалімдер ғана алған.
Жергілікті «Диапозон» басылымының жазуынша, 1 шілдеден бастап шыққандарға демалыс ақысын 10 шілдеде беруге уәде етіп отыр. Білім басқармасы бюджеттен түсімдерді күтіп отырғандарын айтып жауап берді. Әзірге жалақы мен демалыс ақысы 1 маусымнан бастап демалысқа кеткен мұғалімдерге аударылған.
Өңірлік білім бөлімінің ақпаратына сүйенсек, демалыс ақысы 3 күн ішінде төленуі тиіс, бірақ бұл бюджеттің кіріс бөлігінің түсуіне байланысты.
«Біз кесте құрдық, 1 шілде мен 10 шілде аралығында демалысқа шыққандарға ақшаны кезең-кезеңімен төлеуге дайынбыз, бірақ бұл тек бюджеттен қаражат түскен кезде ғана жүзеге асады», – деп жауап берді білім басқармасы басшысының орынбасары Ақкенже Тындыбаева.
Білім бөлімінің ақпаратына сүйенсек, 26 мыңға жуық. 1 маусымнан бастап демалысқа шыққандар жалақысы мен демалыс ақысын алған. Шілде айының төлемдері күтілуде. Сұралып отырған жалпы сома шамамен 5 млрд теңгені құрайды.
- Соңғы
-
-
-
-
-
- Шілде, 12
-
-
-
-
- Шілде, 11
-
-
-
- Шілде, 10
-
-
-
-
-
-
Күнделікті жаңалықтар
13 шілде 2026
