Канье Уэсттің концертіне байланысты «Қайрат» өз ойынын Түркістанда өткізуі мүмкін
Алматылық «Қайрат» еурокубоктың үшінші іріктеу кезеңіне өткен жағдайда, өз алаңындағы ойынын Алматыдағы Орталық стадионда емес, «Түркістан Аренада» өткізуі мүмкін.
Бұған 14 тамызға жоспарланған америкалық орындаушы Канье Уэсттің Орталық стадиондағы концерті себеп болып отыр. Бұған дейін «Қайрат» футбол клубы концерт клубпен алдын ала келісілмей жоспарланғанын мәлімдеген.
Егер алматылық клуб кипрлік «Омонияны» жеңіп шықса, Чемпиондар лигасының келесі кезеңінде «Левски» (Болгария) – «Университатя» (Румыния) жұбының жеңімпазымен кездеседі. Алғашқы матчтан кейін кипрлік клуб 1:0 есебімен алда келеді.
Ал «Омониядан» жеңілген жағдайда, «Қайрат» Еуропа лигасының үшінші іріктеу кезеңінде өнер көрсетіп, швециялық «Мьельбю» мен гибралтарлық «Линкольн Ред Импс» арасындағы жұптың жеңілген командасымен ойнайды.
УЕФА Чемпиондар лигасының үшінші іріктеу кезеңінің матчтары 2026 жылдың 4/5 тамызында, ал қарымта кездесулер 11/12 тамызында өтеді.
Еске сала кетейік, Чемпиондар лигасының екінші іріктеу кезеңіндегі «Омония» мен «Қайрат» арасындағы алғашқы матч Кипрде өтіп, алаң иелерінің 1:0 есебіндегі жеңісімен аяқталған еді.
- Соңғы
-
-
-
-
-
-
- Шілде, 25
-
-
-
-
-
-
-
-
-
-
-
-
Күнделікті жаңалықтар
26 шілде 2026
