Мейірман Шекеев Аша Матайды командасымен бірге дебатқа шақырды
Белгілі заңгер, қоғам белсендісі Мейірман Шекеев тележүргізуші, актриса Аша Матайға қатысты арнайы үндеу жариялап, оны ашық пікірталасқа шақырды.
Бұған дейін әлеуметтік желіде жұртшылыққа Аша Матайдың брифингтердің бірінде қойылған сұрақтарға жауап беру кезінде жанындағы адамдардың сыбырлап, нұсқау беріп отырғаны бейнеленген видео тараған болатын. Осы жағдайға байланысты Аша Матай сайлау заңнамасына сәйкес белгілі бір уақытқа дейін үгіт-насихат жүргізуге тыйым салынатынын айтып, заң бұзбау мақсатында уақытша үнсіз қалатынын хабарлаған еді.
Мейірман Шекеев бұл жағдайға бей-жай қарай алмайтынын білдірді.
«Сайлауға түсіп, елдің тағдырын шешуге ұмтылған азаматтар халықтың, соның ішінде түрлі сала мамандарының шынайы сұрақтарына дайын болуы керек. Мен Аша Матайды дәрежесін түсіру үшін емес, сайлауға бара жатқан адам ретінде заңгерлер мен халықты толғантқан мәселелерді қалай шешетінін білу үшін дебатқа шақырамын. Кешегі бейнедегідей жанында сыбырлап жүретін 5 адамын/көмекшісін бірге ертіп келсе де мейлі, бетпе-бет сөйлесуге дайынмын», – деді.
Заңгердің сөзінше, «қисық қалыптан түзу кірпіш шықпайтыны» сияқты, ел заңын түзетуге бағыт алған өнер өкілдері кәсіби деңгейдегі сауалдарға өздігінен жауап бере алуға тиіс.
Сонымен қатар ол қоғамдағы өзекті мәселелер мен заңдағы олқылықтарды реттеу үшін саясатқа баратын тұлғалардың сауаттылығы мен дайындығы жоғары болуы қажеттігін атап өтті.
A post shared by ХАЛЫҚ ЗАҢГЕРІ (@meir_halyq_zangeri)
Әзірге бұл шақыруға Аша Матай тарапынан ресми жауап берілген жоқ.
Еске сала кетейік, бұған дейін Тамара Асар мен Аша Матай «Қазақстан Халық партиясы» атынан құрылтай сайлауына түсетіндерін айтқан еді.
- Соңғы
-
-
-
-
-
-
- Шілде, 25
-
-
-
-
-
-
-
-
-
-
-
-
Күнделікті жаңалықтар
26 шілде 2026
