Қасым-Жомарт Тоқаев Владимир Путинмен кездесті
Кездесуде мемлекет басшылары екіжақты күн тәртібіндегі мәселелерді талқылады.
Қасым-Жомарт Тоқаев Омбыда жылы қабылдағаны үшін Владимир Путинге алғыс айтып, Қазақстан мен Ресейдің XXII өңіраралық ынтымақтастық форумы аясындағы кездесу негізгі бағыттар бойынша диалогты жалғастырып, алдағы қадамдарды айқындауға мүмкіндік беретінін айтты.
Президенттің сөзінше, 2025 жылы екі ел арасындағы сауда көлемі шамамен 28 млрд доллар болды. Биылғы алғашқы бес айда өзара сауда жақсы өсім көрсеткен. Ресей Қазақстан экономикасына инвестиция салатын елдер арасында бірінші орынға шықты, ал инвестиция көлемі 30 млрд долларға жуықтады.
Екі ел 177 перспективалы өнеркәсіп жобасын іріктеген. Оның 122-сі іске асырылған. Жобалардың жалпы құны 53 млрд долларды құрайды.
Мемлекет басшысы гуманитарлық саладағы ынтымақтастықты жоғары бағалап, Омбыда Қазақ ұлттық университетінің филиалын ашуға қолдау көрсеткені үшін Ресей Президентіне алғыс білдірді.
Қасым-Жомарт Тоқаев Қазақстандағы алғашқы атом электр станциясын бірлесіп салу жобасында ілгерілеу бар екенін айтты. Балқаш көлі маңындағы алаңда далалық жұмыстар аяқталуға жақын. Президенттің пікірінше, жоба екі елді жақындастырып, Ресейдің көмегімен атом саласында жұмыс істей алатын қазақстандық мамандар даярлауға мүмкіндік береді.
Қасым-Жомарт Тоқаев форумға қатысу үшін Омбыға келді. Кейін ол Кемел Тоқаевқа арналған ескерткіш тақтаға гүл қойып, Екінші дүниежүзілік соғыста қаза тапқандарды еске алды.
- Соңғы
-
-
-
-
-
- Шілде, 25
-
-
-
-
-
-
-
-
-
-
-
-
- Шілде, 24
-
Күнделікті жаңалықтар
26 шілде 2026
