Синоптиктер еліміз қалаларындағы ауа сапасы туралы айтты

07.08.2020, 11:30 inform.kz

НҰР-СҰЛТАН. ҚазАқпарат – «Қазгидромет» РМК 7 тамыз күнгі еліміз қалаларындағы метеорологиялық ахуал туралы айтты, деп хабарлайды ҚазАқпарат. Синоптиктер мәліметінше, бүгін Қазақстанның барлық қалаларында метеодағдай қалыпты болады тек Петропавл қаласында ауа сапасы бұзылады. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.