Иесіз қалған үйде ойын ойнаған балалар шкафта тұншығып қалды

22.09.2020, 06:48 aikyn.kz

Үндістанның Гуджарат штатындағы Бокарвада ауылында екі бала иесіз қалған үйдегі шкафқа кіріп, сонда тұншығып қалған, деп жазады Republic World басылымы. Жұма 18 қыркүйекте күндіз он жасар Харшил Патель (Harshil Patel) және тоғыз жасар Cохан Патель (Sohan Patel) иесіз қалған үйге кірген.  Ойын ойнап жүріп олар қолғалмалы шкафқа жабылып қалған. Үй ауылдың бір түкпірінде болғандықтан, балаларды іздеген туыстары мен үйдің қасынан өтіп бара жатқандар олардың көмекке шақырған дауысын естімеген. Бірнеше сағаттан соң олардың өлі денесі шкафтан табылды. Олар өздері шыға алмай, тұншығып қалған. Полиция оқиғаны кездейсоқ болған оқиға ретіне тіркеді.