Облыс әкімі әскерге шақырылушылармен кездесті

zhambylnews.kz

Облыс әкімі әскерге шақырылушылармен кездесті

Жамбыл облысының әкімі Нұржан Нұржігітов облыстық қорғаныс істері жөніндегі департаментіне барып, жұмысымен танысты. Аймақ басшысы әскери қызметке шақыру пунктінде болып, мерзімді әскери қызметке шақырылушылармен әңгімелесіп, оларға сәттілік тіледі. Нұржан Нұржігітов елді қорғау әр ер азаматтың парызы мен міндеті болып табылатындығын, бабаларымыз ғасырлар бойы Тәуелсіздік жолында күрессе, ендігі ұрпақ Тәуелсіздікті қорғап, нығайту үшін өз үлесін қосуы қажет екендігін атап өтті. Сондай-ақ, сарбаздардың әскери міндетті бұлжытпай орындап, әскери қызметтің ауыртпалықтары мен қиыншылықтарын табандылықпен көтеріп, Отан алдындағы борышты адал абыроймен өтеуіне сенім білдірді. Бұдан бөлек облыс әкімі аумақтық қорғаныс бригадасының командалық-штабтық жұмылдыру оқу-жаттығуына қатысып, онда тыңдау өткізіп, жауапты тұлғаларға нақты міндеттер жүктеді.
  • Соңғы
Басқа жаңалықтар

Күнделікті жаңалықтар

Бүгін,
7 желтоқсан 2022