Бүгін – қасиетті Рамазан айының бірінші күні

23.03.2023, 11:28 almaty-akshamy.kz

Бүгін ислам әлемі үшін қасиетті саналатын Рамазан айы басталды. Ораза 23 наурыздан 20 сәуірге дейін жалғасады, деп хабарлайды Аlmaty-akshamy.kz.

Сәуір айының 17-нен 18-іне қараған түн – қасиетті Қадір түні, 21 сәуір – Ораза айт мерекесі.

Айлардың сұлтанында ауыз бекіткен мұсылман баласы ішіп-жеуден ғана тыйылмай, жаны мен тәнін күнәдан тазартып, ізгі істер жасауға асық болады. Бұл – Құран аяттары түсе бастаған ай. Сондықтан садақа беріп, қайырымдылық көрсеткен абзал.

Ораза тұту – денсаулығы жараған әр мұсылманға парыз. Себебі бұл айда адамдарға көп жақсылық пен мүмкіндік беріледі. Ораза ұстаған адамның күнәлары кешіріледі. Сансыз сауап беріледі.