Астана мектептерінде атыс болатыны жайлы жалған хабар тарады

19.04.2024, 09:02 ktk.kz

Кеше әлдебір Telegram каналда Астананың бірқатар мектебінде атыс болатыны жайлы ескерту айтылды.

«Полиция департаменті мессенджерлерде, соның ішінде Telegram-да қала мектептерінде терроризм қаупі туралы кең таралған жарияланым шындыққа жанаспайтынын хабарлайды. Білім беру ұйымдарын тиісті қызметтер тексеріп шықты», - деп хабарлайды Астана ПД баспасөз қызметі.

Тұрғындардан тыныштықты сақтауды және тек ресми ақпаратты ұстануды сұраймыз.

Естеріңізге сала кетейік, көрінеу жалған хабарлама таратқаны үшін қылмыстық жауапкершілік қарастырылған.

Дереккөз: Kazinform

Бізді Youtubе-та қараңыз!Бізді Facebook-та, Instagram-да, Telegram-да оқыңыз!