Астанада жөндеу жұмыстарына байланысты бірқатар көше бірнеше түнге жабылады
Астанада зақымдалған асфальтты ауыстыруға байланысты бірнеше жол айрығында көлік қозғалысы уақытша шектеледі. Бұл туралы қала әкімдігі хабарлады. Жұмыстар түнгі уақытта жүргізілетіндіктен, жекелеген учаскелерде көлік қозғалысы кезең-кезеңімен жабылады.
Атап айтқанда, Ж. Нәжімеденов пен Қ. Қуанышбаев көшелерінің қиылысы 10 маусым сағат 21:00-ден 11 маусым сағат 07:00-ге дейін жабылады.
Ж. Нәжімеденов пен Қ. Аманжолов көшелерінің қиылысында шектеулер 12 маусым сағат 21:00-ден 13 маусым сағат 07:00-ге дейін.
Ж. Нәжімеденов пен С. Нұрмағамбетов көшелерінің қиылысы 13 маусым сағат 21:00-ден 14 маусым сағат 07:00-ге дейін жабылады.
Содан кейін жұмыстар С. Нұрмағамбетов пен А. Байтұрсынов көшелерінің қиылысында жалғасады. Онда қозғалыс 14 маусым сағат 21:00-ден 15 маусым сағат 07:00-ге дейін шектеледі.
Қала тұрғындары мен қонақтарынан маршруттарын жоспарлау кезінде өзгерістерді алдын ала ескеру сұралады.
- Соңғы
Күнделікті жаңалықтар
10 маусым 2026
